Currently Empty: EGP0,00
المقالات
الخليل
ساعات بيكون جواك مشاعر كتير قوى وتغييرات نفسية وحاسس ان صعب إنك تلاقى حد يستوعبها ومش سهل ابدا إنك تشرحها او تقولها ولو حاولت بتستهلك وقت كتير إنك تفهم اللي بتكلمه وتحاول تشرح كل كلمة علشان مايفهمش غلط لدرجة ان التفاصيل والشرح بتسخف الامور وبتخليها تافهة وبتمل وتسكت علشان محدش فاهمك لدرجة إنك ممكن تحس بوحدة في سط الناس ونفسك ان حد يفهمك من غير ما تتكلم ولا يسألك مالك حد يحس بيك وبمشاعرك ويعرف يتعامل معاها ازاى حد يقدر يطمئنك يحسسك بالأمان يفهم مشاعرك يدعم افكارك يسمعك وقت ما تكون عاوز تتكلم بس يسمعك بدون ما يتكلم فقط تشعر انه يسمعك ويستوعبك ويفهمك بيتنفس معاك بيضحك مع سعادتك ويبكي مع حزنك يعيش مع مشاعرك ويصاحبها يتجنن مع جنونك ويقولك ببساطه انا حاسس بيك حد تقدر تتكلم معاه بتلقائية بدون عوائق بدون اسوار بدون حواجز وانت متأكد ان عمره ما هيفهمك غلط بالعكس هيقدر يرتب افكارك المبعثرة وكلماتك الغير مترابطة ويفهمك اللي انت مش فاهمه عنك حد يتكلم وقت ما تكون عاوز تسمع ولما يتكلم يلمس افكارك يلمس مشاعرك يأخذ بايدك علشان تعدى ازماتك يشاور لك على الطريق لما تتوه يطمئنك لما تخاف يفرحك لما تزعل يشجعك لما تيأس يسندك لما تنهار حد كل ما تحتاجه فقط تغمض عنيك وتسمع صوته يهمس لك اثبت انت قوي من حقك تكون سعيد من حقك تكون فخور بنفسك وبذاتك انت تستحق كل شيء جميل والاهم من كل ده انه يكون عقله كبير وقلبه أكبر يقدر يستوعب ان كل الاحتياجات دي معزولة تماما عن كونك انثى أو رجل علاقة في ملكوت اخر في بعد مختلف عن الدنيا نقية من نقاء الطهر خفيفة مثل الروح بلا احمال خفيه وخيالية مثل الحلم الذي لا يراه ولا يعرفه غيرك وتقدر في أي وقت تأخذ نفس عميـــــــــــــــــــــــــــــــــــــــــــــــــــق وتخرجه بهــــــــــــــــــــــــــــــــــــــــدء شديـــــــــــــــــــــــــــــــــــد وتغمض عنيك وتنفصل عن العالم لتسبح في عالمه تطير مع افكاره ترقص مع كلماته وقتما وقدرما شئت ولما تفتح عنيك ترجع للدنيا وكأنك في كرة شفافة من النور بتحميك وبتتنفس جواها هواك النقي وطاقتك النظيفة وعالمك الطاهر وبتشوف الدنيا والناس كلهم من جواها وفى النهاية يكون ده عالمك الخاص السري الذي لا يدخله غيرك ولا يعلم بوجوده غيرك
سامح حبيب